DIRECTRICES XERAIS DE PREVENCIÓN

 As queimaduras son prevenibles, e por tanto evitables.

Os países con rendas altas lograron avances considerables na tarefa de reducir as taxas de mortes por queimaduras combinando estratexias preventivas cunha mellor atención das persoas afectadas. A maioría destes avances en materia de prevención e atención non se aplicou en forma completa nos países con rendas baixa e media. Se se intensificasen os esforzos nese sentido, reduciríanse significativamente as taxas de mortes e de incapacidade relacionadas coas queimaduras.

Mediante as estratexias de prevención deberían abordarse os perigos relacionados coas lesións por queimaduras, a educación para a poboación vulnerable e a capacitación da comunidade en primeiros auxilios.

Un plan eficaz de prevención das queimaduras debería ser multicultural e incluír amplas iniciativas orientadas a: ^(86-88)

• Xerar maior conciencia

• Elaborar políticas eficaces e esixir o seu cumprimento

• Describir a carga que representa o problema e identificar os factores de risco.

• Establecer prioridades de investigación e promover as intervencións prometedoras

• Ofrecer programas de prevención de queimaduras

• Fortalecer a atención de queimaduras

• Fortalecer as capacidades para levar a cabo todo o anterior

A maioría da bibliografía existente sobre este tema trata esencialmente da prevención nos nenos, por ser extremadamente sensibles á inxuria térmica.⁴⁰ É por iso importante ensinar á poboación en xeral a identificar os factores de risco e propoñerlles unhas normas para seguir para evitalos, mediante campañas educativas.

As principais normas xerais de prevención fan referencia a: ^(86-88)

• Non fumar dentro do fogar e moito menos na cama

• Non sobrecargar as tomas de corrente

• Non utilizar fogos artificiais ou similares

• Manter fósforos, chisqueiros, químicos e ver acendidas lonxe dos nenos

• Colocar protectores de enchufes

• As alarmas de incendio en casa son recomendables

• Colocar a televisión e equipos de música contra a parede

• Colocar pantallas diante das chemineas

• No baño:

  • Os termostatos de auga permiten axustar a temperatura. Temperaturas de 54º poden escaldar a un neno en 2-3 segundos.

  • Ao encher a bañeira empezar e acabar con auga fría.

  • Introducir o cóbado (o adulto), para probar a temperatura.

  • Desenchufar todos os aparellos eléctricos que non se estean usando

• Na cociña:

  • Non permitir que o neno utilice o andador na cociña

  • Non consumir bebidas quentes se se ten un neno no colo 

  • Non ter o neno en brazos mentres se cociña

  • Non quentar os biberóns no microondas 

  • Manter os mangos de tixolas e asas das potas lonxe do acceso aos nenos.

  • As comidas e bebidas quentes estarán fóra do alcance dos nenos

• Os Adultos:

  • As queimaduras dos adultos están asociadas aos perigos inherentes á sociedade moderna. As persoas teñen os mesmos riscos, pero aumentados pola perda de reflexos asociados á idade.

  • A prevención debe asociarse ao reforzo das normas de seguridade.

  • Aplicar as normas de seguridade ao deseño e aos materiais das vivendas, e fomentar as inspeccións de fogares.

  • Mellorar o deseño das cociñas, sobre todo en relación coa estabilidade e a prevención do acceso dos nenos.

  • Promover o uso de cociñas máis seguras e combustibles menos perigosos e brindar información sobre o uso de pezas que poden prenderse lume.

  • Reducir a temperatura nas billas de auga quente.

  • Promover a educación sobre seguridade contra incendio e o uso de detectores de fume, rociadores e saídas de emerxencia nas vivendas.

  • No fogar é onde ocorre a maioría dos accidentes, polo que é importante a revisión da instalación do gas, da electricidade, os aparellos eléctricos e almacenamento de líquidos inflamables e corrosivos.

  • No adulto despois do fogar, é o traballo o seguinte escenario onde se producen estes accidentes. Débese seguir e reforzar as normas de seguridade laboral.

  • Promover a adopción de normas de seguridade industrial e o seu cumprimento, e o uso de teas ignífugas para a roupa de durmir dos nenos.

  • Por último, durante o lecer tamén se producen accidentes: escapes das motos, parrilladas, queimaduras solares etc. Aquí deben prevalecer algunhas das normas vistas con anterioridade e sobre todo moito sentido común.

  • Promover leis que ordenen a produción de cigarros deseñados para reducir o risco de incendio.

  • Mellorar o tratamento da epilepsia, especialmente nos países en desenvolvemento..

  • Promover o maior desenvolvemento de sistemas de atención de queimaduras, incluíndo a capacitación de provedores de atención da saúde na adecuada clasificación e manexo de persoas con queimaduras.