A maioría da bibliografía existente sobre este tema trata esencialmente da prevención nos nenos, por ser extremadamente sensibles á inxuria térmica. É por iso importante ensinar á poboación en xeral a identificar os factores de risco e propoñerlles unhas normas para seguir para evitalos, mediante campañas educativas encamiñadas a evitar os factores de risco que producen as queimaduras:substancias sólidas e líquidas quentes, a electricidade, as chamas e as substancias corrosivas.
DIRECTRICES XERAIS DE PREVENCIÓN
As principais normas xerais de prevención fan referencia a:
• Non fumar dentro do fogar e moito menos na cama.
• Non sobrecargar as tomas de corrente.
• Non utilizar fogos artificiais ou similares.
• Manter fósforos, chisqueiros, químicos e ver acendidas lonxe dos nenos.
• Colocar protectores de enchufes.
• As alarmas de incendio en casa son recomendables.
• Colocar a televisión e equipos de música contra a parede.
• Colocar pantallas diante das chemineas.
No baño:
• Os termostatos de auga nos baños permiten axustar a temperatura da auga. Temperaturas
de 54 ºC poden escaldar un neno en dous ou tres segundos.
• Ao encher a bañeira empezar con auga fría e acabar tamén con auga fría.
• Introducir o cóbado (o adulto), para probar a temperatura.
• Desenchufar todos os aparellos eléctricos que non se estean usando.
Na cociña:
• Non permitir que o neno utilice o andador na cociña
• Non consumir bebidas quentes mentres se teña un neno no colo40.
• Non ter o neno en brazos mentres se cociña.
• Non quentar os biberóns no microondas.
• Manter os mangos de tixolas e asas das potas lonxe do acceso aos nenos.
• As comidas e bebidas quentes estarán fóra do alcance dos nenos.
Os adultos:
• As queimaduras dos adultos están asociadas aos perigos inherentes á sociedade moderna. As persoas teñen os mesmos riscos, pero aumentados pola perda de reflexos asociados á idade.
• A prevención debe asociarse ao reforzo das normas de seguridade.
• No fogar é onde ocorre a maioría dos accidentes, polo que é importante a revisión da instalación do gas, a eléctrica, os aparellos eléctricos e o almacenamento de líquidos inflamables e corrosivos.
• No adulto despois do fogar, é o traballo o seguinte escenario onde se producen estes accidentes. Débese seguir e reforzar as normas de seguridade laboral.
• Por último, durante o lecer tamén se producen accidentes: escapes das motos, grellas, queimaduras solares etc. Aquí debe prevalecer algunhas das normas vistas con anterioridade e, sobre todo, moito sentido común.